Трамп под критики по изјавата: „Ја сакам инфлацијата“

Американскиот претседател Доналд Трамп се најде на удар на критики поради неговата реакција на најновите податоци за инфлацијата во САД, откако пред новинарите изјави: „Бројките беа одлични (...) Ја сакам инфлацијата“.

Трамп веднаш повтори дека инфлацијата ќе „падне како камен“ откако ќе заврши војната со Иран.

— реклама —

Неговата изјава уследи откако американското Министерство за труд објави дека инфлацијата во мај пораснала за 4,2 проценти во споредба со истиот период лани, достигнувајќи го највисокото ниво во последните три години.

— реклама —

Главен двигател на растот на цените се трошоците за енергија, кои биле за 23,5 проценти повисоки во однос на минатата година. Особено значително е поскапувањето на бензинот, чија цена е зголемена за околу 40 проценти.

Лидерот на демократите во Сенатот, Чак Шумер, остро реагираше на изјавата на Трамп, оценувајќи дека таа покажува незаинтересираност за финансиските проблеми на американските граѓани.

— реклама —

„Трамп навистина рече: ‘Ја сакам инфлацијата.’ Пред камерите. Така што цела Америка можеше да го слушне тоа. Неговиот презир кон вас нема граници“, напиша Шумер на платформата Икс.

— реклама —

Од друга страна, претседателот на Претставничкиот дом и лидер на републиканците, Мајк Џонсон, изјави дека зборовите на Трамп биле извадени од контекст.

Во меѓувреме, растечките трошоци за живот остануваат едно од клучните прашања во американската јавност. Анкетите покажуваат пад на поддршката за економската политика на Трамп, додека демократите ја претворија инфлацијата во една од главните теми во кампањата пред конгресните избори што треба да се одржат во ноември.