Трамп под жесток притисок поради Иран: „Го направија будала“

Американскиот претседател Доналд Трамп се соочува со сè поголем притисок и од републиканците и од демократите поради можен мировен договор со Иран, за кој критичарите стравуваат дека нема да ги исполни првичните воени цели на САД.

Според анализа на Си-ен-ен, предложениот договор би довел до повторно отворање на Ормускиот Теснец, но иранската нуклеарна програма би останала главно нерешена, додека Трамп се соочува со пад на популарноста и раст на цените на горивата пред претстојните избори.

— реклама —

Трамп во изминатите недели повеќепати тврдеше дека договорот со Техеран е блиску, но неговите изјави предизвикаа скепса и кај конзервативните кругови и кај демократите.

Американските и израелските власти претходно поставија како клучна цел отстранување на иранските резерви на високо збогатен ураниум, но според дел од критичарите, сегашните преговори не гарантираат таков исход.

— реклама —

Републиканскиот сенатор Том Тилис изјави дека е нејасно зошто САД би прифатиле ирански нуклеарен материјал да остане во земјата.

„Како тоа воопшто има смисла?“, праша Тилис.

Сенаторот Линдзи Греам предупреди дека дозволувањето Иран да ја задржи предноста преку контролата врз Ормускиот Теснец може да ја промени рамнотежата на силите на Блискиот Исток.

— реклама —

Критики стигнаа и од демократите. Сенаторот Кори Букер изјави дека договорот не се занимава со клучното прашање – иранската нуклеарна програма.

„Иран го влече Доналд Трамп за нос“, изјави Букер.

— реклама —

Во меѓувреме, државниот секретар Марко Рубио ги отфрли критиките, нагласувајќи дека администрацијата нема да прифати договор што би го ставил Иран во подобра позиција во однос на нуклеарното оружје.

Трамп во неделата порача дека на своите преговарачи им наложил да „не брзаат со договорот“, додавајќи дека „времето е на американска страна“.