Трамп попушти: САД укинуваат дел од царините за канадската стока

САД ќе укинат дел од царините од 50 отсто за одредени канадски производи од 30 октомври, соопшти Белата куќа, наведувајќи дека целта е зачувување на економскиот напредок и националната безбедност на Американците.

— реклама —

Од списокот на производи што подлежат на царини ќе бидат отстранети иверицата, одредени производи од хартија, дел од машините и опремата за ладење, како и амбалажните сандаци и кутии. Истовремено, царини ќе бидат воведени за други производи, меѓу кои одредени видови вентили, теписи и производи изработени од отпад.

— реклама —

Ова ослободување од царините би можело да им помогне на републиканските кандидати на изборите на 3 ноември, бидејќи многу американски гласачи ги посочуваат трошоците за живот и економските притисоци како најважни проблеми.

— реклама —

Американскиот претседател Доналд Трамп во петокот изјави дека Канада „многу сака“ трговски договор со САД. Канадскиот премиер Марк Карни, пак, порача дека неговата земја е отворена за договор од кој ќе имаат корист двете страни, но и дека е подготвена да чека доколку е потребно.

Откако трговските преговори пропаднаа во текот на летото, започна царинска војна што им нанесе штета на луѓето од двете страни на границата.