Трамп потпиша нови мерки за ограничување на државјанството по раѓање во САД

Американскиот претседател Доналд Трамп потпиша две нови извршни наредби со кои повторно се обидува да го ограничи автоматското стекнување американско државјанство по раѓање, по претходниот неуспешен обид што беше оценет како неуставен.

Новите мерки се насочени кон заострување на постојните правила, особено против таканаречениот „туризам за породување“, односно практиката странски државјанки да патуваат во САД за да се породат, со што нивното дете автоматски би стекнало американско државјанство.

— реклама —

Советникот на Белата куќа, Стивен Милер, изјави дека со новата политика никој повеќе нема да може да добие американска виза со цел породување во земјата.

— реклама —

Според анализи на Центарот за имиграциски студии, меѓу 20.000 и 25.000 странски државјанки годишно патувале во САД за оваа цел во периодот 2016–2017 година.

Со извршните наредби се ограничуваат и правата на децата родени од странски државни службеници во САД, како и на лица кои американските власти ги класифицираат како „странски непријатели“.

— реклама —

И покрај тоа, наредбите не го менуваат Уставот и најверојатно повторно ќе бидат оспорени пред судовите.

— реклама —

Четиринаесеттиот амандман на американскиот Устав предвидува дека сите лица родени или натурализирани во Соединетите Американски Држави, кои се под нивна јурисдикција, се американски државјани.

Врховниот суд претходно оцени дека претходниот обид на администрацијата на Трамп за ограничување на државјанството по раѓање е спротивен на Уставот.