Американскиот претседател Доналд Трамп повторно упати критики кон дел од сојузниците во НАТО, оценувајќи дека не пружиле доволна поддршка на САД за време на воените операции против Иран.
Говорејќи на самитот на Алијансата во Анкара, Трамп изрази незадоволство од однесувањето на одредени земји-членки и покрај тоа што генералниот секретар на НАТО, Марк Руте, претходно истакна дека Европа обезбедила значајна логистичка поддршка за американските операции.
„Пет илјади авиони полетаа од европски аеродроми како поддршка на американските операции во Иран. Европа беше важна платформа за проектирање на американската воена моќ“, рече Руте.
Трамп, сепак, не се согласи со таквата оценка и посочи дека некои сојузници не ја дале очекуваната поддршка.
Тој изјави дека Обединетото Кралство не дозволило користење на сите свои воени бази за американските операции, додека за Италија рече дека покажала „многу лош“ однос кога станува збор за обезбедување поддршка преку својата воена инфраструктура.
