Американскиот претседател Доналд Трамп не ја исклучува можноста САД да останат во Иран и да ја задржат контролата врз нафтата по завршувањето на војната. Тој, за време на посетата на Ирска, изјави дека конечната одлука ќе зависи од тоа каков договор ќе биде постигнат со Техеран.
Трамп повтори дека очекува војната со Иран да заврши до крајот на годинава, а како можна временска рамка го посочи и периодот по ноемвриските избори за Конгресот во САД.
Говорејќи на Ирското отворено првенство во голф, американскиот претседател оцени дека цените на горивата „драстично ќе паднат“ веднаш штом ќе заврши војната со Иран. Тој нагласи дека Вашингтон ќе прифати само договор што го смета за вистински и корисен, додавајќи дека Иран „постојано повикува“ на мировни преговори.
Трамп притоа ја спомена и можноста американските сили да останат присутни во Иран, правејќи споредба со договорот меѓу САД и Венецуела, најавен во август.
„На крајот ќе излеземе од Иран, освен ако не одлучиме да останеме и да ја задржиме нафтата, како во случајот со Венецуела“, изјави Трамп.
Тој додаде дека приходите што САД ги остваруваат од Венецуела „повеќекратно ја исплатиле војната“.
