Трамп: САД никогаш нема да ги заборават жртвите од 11 септември

Доналд Трамп на комеморацијата во Пентагон по повод 25-годишнината од терористичките напади на 11 септември 2001 година порача дека САД никогаш нема да ги заборават 2.977-те жртви и дека борбата против тероризмот продолжува.

„Денес повторно ја потврдуваме светата заклетва што за нив првпат ја дадовме пред четвртина век. Никогаш нема да заборавиме. Затоа денес се бориме“, изјави Трамп во говорот во Пентагон.

— реклама —

Американскиот претседател додаде дека во борбата немаат друг избор освен победа.

— реклама —

Пентагон, кој се наоѓа во близина на Вашингтон, беше една од целите на нападите на 11 септември. Отворен авион, киднапиран од припадници на Ал Каеда, се урна во зградата, при што загинаа 184 лица.

Во текот на комеморацијата Трамп ги поврза нападите од 11 септември и борбата против Ал Каеда, која по нападите ја предводеше тогашниот претседател Џорџ В. Буш, со актуелната војна против Иран, која САД ја водат заедно со Израел.

— реклама —

„Денес им оддаваме почит на сите припадници на вооружените сили на САД кои служеа во ‘војната против тероризмот’“, рече Трамп, додавајќи дека американските воени и одбранбени структури денес работат на тоа „водечкиот светски спонзор на тероризмот, Исламската Република Иран, никогаш да не добие нуклеарно оружје“.

Со него се согласи и американскиот секретар за одбрана, Пит Хегсет, кој порача дека американските војници се борат против „исламска теократија која сака наша смрт речиси половина век“.

Комеморацијата се одржа во период на засилени политички поделби во САД. За време на републиканската конвенција во средата и четвртокот, во пресрет на парламентарните избори на средина на мандатот, Трамп и потпретседателот Џеј Ди Венс остро ги нападнаа демократските противници, обвинувајќи ги за соучесништво со напаѓачите.