Американскиот претседател Доналд Трамп денеска изјави дека „ добил извештај дека Соединетите Американски Држави произведуваат повеќе извонредно и врвно оружје од кога било“ во американската историја.
Трамп во објава на платформата „Трут соушал“ рече дека оружјето произведено во САД „секојдневно се испорачува“ на американските сили „на Блискиот Исток и пошироко“.
„Фабриките на нашите одбранбени компании работат без прекин, додека истовремено, во просек, градат уште четири до нови фабрики од големи размери! Главниот фокус на ова производство се „Патриот“, системите ТХААД, „Томахавк“ и други стандардни ракетни системи, од кои веќе имаме големи количества на залиха“, истакна Трамп.
Некои американски воени претставници во претходниот период предупредуваа дека САД имаат недостиг од муниција, по војната со Иран која започна кон крајот на февруари, по што Трамп побара од воената индустрија да го зголеми производството на оружје и муниција.
