Трамп тврди дека САД транспортирале рекордни количества нафта од Ормускиот Теснец

Американскиот претседател Доналд Трамп изјави дека САД неодамна транспортирале рекордни количества нафта од Ормускиот Теснец, додавајќи дека извезените количини биле поголеми отколку во периодот пред почетокот на војната.

— реклама —

Во обраќање пред новинарите во Чикаго, Трамп оцени дека цените на нафтата на светските пазари би можеле наскоро значително да се намалат, но услов за тоа, според него, е завршувањето на конфликтот.

— реклама —

„Цените на нафтата ќе паднат штом Иран ќе се откаже и штом ќе заврши војната, а тоа ќе се случи наскоро“, изјави американскиот претседател.

Изјавата следува откако Трамп во саботата официјално го отфрли мировниот предлог на Иран, чија цел била прекин на непријателствата и повторно отворање на Ормускиот Теснец за меѓународниот поморски сообраќај.

— реклама —

Во меѓувреме, од Техеран пристигнуваат различни пораки. Иранската дипломатија нагласува дека преговорите и политичкиот дијалог остануваат единственото одржливо решение за конфликтот со САД и Израел.

— реклама —

Од друга страна, иранското воено раководство порачува дека вооружените сили се целосно подготвени да одговорат на евентуални нови напади.