Трамп: Во дилема сум дали да го уништам Иран засекогаш или да склучиме договор

Американскиот претседател Доналд Трамп од говорницата на Генералното собрание на Обединетите нации повторно вети дека ќе работи на завршување на војната во Украина, а истовремено најави дека САД ги очекуваат големи одлуки во односите со Иран.

Трамп изјави дека очекува договор со Иран да биде постигнат веднаш по меѓуизборите во САД во ноември. Тој ги повика и другите земји да се приклучат кон економската изолација на Иран.

— реклама —

„Пред мене е голема одлука. Дали да се склучи договор со Иран што ќе му овозможи да се обнови и да изгради многу помоќна земја од она што некогаш била? Или, пак, да ја уништам Исламската Република, и тоа брзо, без да ѝ дадам шанса повторно да убива и да уништува луѓе и земји?“, рече Трамп.

Иранскиот претседател Масуд Пезешкијан и министерот за надворешни работи Абас Аракчи се во Њујорк, но не присуствуваа во салата за време на говорот на Трамп.

— реклама —

Зборувајќи за војната во Украина, американскиот претседател повторно изрази уверување дека конфликтот може да биде завршен.

— реклама —

„Тесно соработуваме со лидерите на Русија и Украина и ќе го завршиме тоа. Мислам дека ќе се случи побрзо отколку што луѓето сфаќаат“, рече Трамп.

Во делот од говорот посветен на Латинска Америка, Трамп изјави дека САД бараат суштински промени во Куба, која ја опиша како пропадната земја.

„Повеќе нема да дозволиме заканите кон Америка да пуштат корен каде било на западната хемисфера. Доколку е потребно, ќе ја искористиме нашата неспоредлива воена моќ за да ги заштитиме виталните национални интереси на САД“, рече тој.

Трамп го заврши своето обраќање по 37 минути.