Трамп за египетскиот претседател: Се вљубив во него веднаш штом го видов

Американскиот претседател Доналд Трамп на самитот на Г7 во Франција упати необични пофалби до египетскиот претседател Абдел Фатех ал-Сиси, присетувајќи се на нивната прва средба за време на неговата претседателска кампања.

— реклама —

„Го запознав многу рано во кампањата. Ми рекоа дека претседателот на Египет е тука и тоа беше голема работа“, изјави Трамп.

Тој потоа додаде дека веднаш воспоставиле добар однос.

— реклама —

„Се вљубив во него веднаш штом го видов. Имавме одличен однос уште од самиот почеток“, рече американскиот претседател.

— реклама —

Ал-Сиси, кој со години е соочен со критики од меѓународните организации за човекови права, важи за еден од странските лидери со кои Трамп одржува блиски односи.

На истиот самит Трамп повторно се осврна и на меморандумот за разбирање со Иран, предупредувајќи дека САД би можеле да преземат воени мерки доколку Техеран не ги почитува договорените обврски.

Воедно, тој ги отфрли медиумските извештаи дека Вашингтон ќе учествува во инвестициски фонд вреден 300 милијарди долари за обнова на Иран, оценувајќи ги таквите информации како неточни.