Три активни пожари во Македонија, еден е под контрола

Во периодот од 7 до 8 октомври, до 7:30 часот, во Македонија биле регистрирани вкупно 39 пожари на отворен простор, соопшти Центарот за управување со кризи. Од нив, три се активни, еден е ставен под контрола, а 35 се изгаснати.

— реклама —

Активни се пожарите во општина Чашка, во селото Јаболчиште, на местото „Биков Гроб“, каде што гори букова и дабова шума, кривуљ и ниска вегетација; во општина Липково, кај селото Стрима, на местото „Гури Куќ“, каде што е зафатена борова и нискостеблеста шума; и во општина Дебар, кај селото Горно Косоврасти, на местата „Крушно и Вложно“, каде што гори мешана шума.

— реклама —

Под контрола е ставен пожарот во општина Студеничани, меѓу селата Драчевица и Цветово, на местото „Калдиред“, каде што гори ниска вегетација.

Во текот на периодот биле изгаснати уште 35 пожари на подрачјата на Сарај, Ѓорче Петров, Арачиново, Новаци, Могила, Прилеп, Демир Хисар, Ресен, Крушево, Струмица, Босилово, Струга, Велес, Кавадарци, Неготино, Куманово, Теарце, Врапчиште и Гостивар.

— реклама —

Пожарите биле пријавени на различни локации, при што гореле ниска вегетација, шума, депонии, стрништа, ѓубре, дрва и други материјали. Во Демир Хисар бил пријавен пожар на помошен објект, а во Неготино на подрачјето на полигонот Криволак.

— реклама —

Од ЦУК продолжуваат да ја следат состојбата со пожарите на отворен простор.