Трагедија во Жданец: Пронајдено тело на маж во целосно изгорена барака

Трагично заврши пожарот што избувнал во скопската населба Жданец, каде по гаснењето на огнот во целосно изгорена барака било пронајдено тело на починат маж.

— реклама —

Според информациите од Министерството за внатрешни работи, пожарот бил пријавен на 14 ноември околу 23:40 часот, на улицата „Жданец“. Огнот ја зафатил бараката во сопственост на 56-годишен скопјанец.

— реклама —

— реклама —

Во гаснењето интервенирале 19 пожарникари со седум противпожарни возила од Бригадата за противпожарна заштита на Град Скопје.

— реклама —

По целосното гаснење на пожарот, во објектот било пронајдено телото на починатото лице. Засега не се соопштува неговиот идентитет, ниту причините за избувнувањето на пожарот. Надлежните преземаат мерки за утврдување на сите околности.