Илјадници домови загрозени од шумските пожари во Калифорнија, двајца пожарникари повредени

Околу 4.600 домови и најмалку 16.000 луѓе се загрозени од шумските пожари што беснеат во јужна Калифорнија. Во повеќе области се издадени наредби за евакуација, а стотици пожарникари се борат со огнената стихија.

— реклама —

Пожарот „Норте“, во близина на Сан Клементе, на околу 90 километри јужно од Лос Анџелес, за само неколку часа зафатил површина од околу два квадратни километри. На терен се околу 400 пожарникари, а уште толку се упатени кон местото. Двајца пожарникари се повредени и пренесени во болница.

— реклама —

— реклама —

Во опасност се и домовите во крајбрежниот град Малибу, каде што пожарот „Брајсон“ избувнал во четвртокот вечерта. Неколку стотици жители морале да ги напуштат своите домови, а најмалку еден пожарникар е повреден.

Температурите во некои делови од јужна Калифорнија надминале 30 степени Целзиусови. Метеоролозите најавуваат силни и суви ветрови „Санта Ана“, кои можат брзо да го прошират огнот. Поради опасноста, електродистрибутивната компанија „Садерн Калифорнија Едисон“ превентивно го прекинала снабдувањето со електрична енергија во особено загрозените области, бидејќи силните налети на ветер можат да оштетат електрични столбови и далноводи и да предизвикаат искри.