Три лица приведени за семејно насилство, пет случаи пријавени за едно деноноќие

Министерство за внатрешни работи информира дека во последното деноноќие биле регистрирани пет случаи поврзани со семејно насилство, при што три лица биле лишени од слобода.

— реклама —

На 10.05.2026 во 23:30 часот во СВР Скопје, 53-годишна жена од Крива Паланка пријавила дека на 07.05.2026, по претходна расправија, била физички нападната од нејзината ќерка М.М..

На 11.05.2026 во 00:30 часот во Скопје, полициски службеници го лишиле од слобода В.Т.(40) од Скопје, постапувајќи по пријава од неговиот 61-годишен татко дека, по расправија во семејниот дом, физички го нападнал.

— реклама —

Во друг случај, на 10.05.2026 во 20:30 часот, 57-годишен скопјанец пријавил дека неговиот малолетен син, по претходна расправија, му упатил закани по живот.

— реклама —

Во Берово, на 09.05.2026 во 22:45 часот, полициски службеници од Полициска станица Берово го лишиле од слобода Д.К.(47) од беровско, поради непочитување на привремена мерка за заштита од семејно насилство изречена од Основниот суд Берово. Според пријавата, тој ја вознемирувал, навредувал и малтретирал сопругата.

На 10.05.2026 во 15:35 часот во Велес, полициски службеници од СВР Велес лишиле од слобода 49-годишна велешанка, која според пријавата најпрво ѝ се заканувала на својата 52-годишна сестра преку пораки, а потоа отишла во нејзиниот двор и продолжила со заканите.

Од МВР велат дека се преземаат мерки за расчистување на случаите и по нивното целосно документирање ќе бидат поднесени соодветни пријави.