Три случаи на семејно насилство за едно деноноќие

Во соопштение од МВР се наведува дека во текот на изминатото деноноќие се евидентирани три случаи на семејно насилство, при што со две лица е извршен службен разговор.

— реклама —

Во првиот случај на 22 април во Полициската станица Кисела Вода бил извршен службен разговор со 38-годишна жена од Скопје, по пријава дека неколку дена претходно физички го нападнала својот поранешен сопруг. По целосно документирање на случајот, ќе следува соодветен поднесок.

— реклама —

— реклама —

Истиот ден, во вечерните часови, 51-годишен маж пријавил дека бил физички нападнат од неговиот брат во село Волково, по што се преземаат мерки за расчистување на случајот.

Третиот случај, на 23 април во Свети Николе бил извршен службен разговор со 65-годишен маж, по пријава дека во семејниот дом физички го нападнал својот син, а по документирање на случајот ќе биде поднесен соодветен поднесок.