Три случаи на возење без дозвола во Битола и Прилеп

СВР Битола и ОВР Прилеп во одвоени случаи лишија од слобода три лица поради управување возила без возачка дозвола, при што се преземаат мерки за нивно понатамошно процесуирање.

— реклама —

Во првиот случај на 23.04.2026 година во 07:40 часот, полициски службеници од СВР Битола на улица „Филип II Македонски“ во Битола го лишија од слобода С.В. (40) од Битола. При контрола на сообраќајот било запрено возило „рено“ со битолски регистарски ознаки, кое го управувал, при што било констатирано дека нема возачка дозвола. Лицето било задржано во полициска станица, а по целосно документирање на случајот ќе следува пријава по член 297-а од Кривичниот законик – „безобѕирно управување со моторно возило“.

— реклама —

— реклама —

Во вториот случај на 23.04.2026 година во 00:45 часот, полициски службеници од ОВР Прилеп на улица „Дабнички завој“ во Прилеп го лишија од слобода О.Д. (18) од Прилеп. При контрола било запрено возило „шаран“ со скопски регистарски ознаки, кое го управувал, и било утврдено дека нема возачка дозвола. Тој е задржан во полициска станица, а по документирање на случајот ќе следува пријава по член 297-а од Кривичниот законик.

Во третиот случај на 22.04.2026 година во 18:10 часот, на улица „Партизанска“ во Битола, полициски службеници од СВР Битола лишија од слобода 17-годишен малолетник од Битола. При контрола било запрено возило „бмв“ со битолски регистарски ознаки, кое го управувал без возачка дозвола. Малолетникот бил задржан во полициска станица, а по целосно документирање на случајот ќе биде поднесена пријава по член 297-а од Кривичниот законик – „безобѕирно управување со моторно возило“.