Тројца државјани на Канада предизвикале пожар во Далмација: Една жена е уапсена, по другите двајца се трага

Пожарот бил предизвикан со отворен пламен во местото Бободол, при што била зафатена сува трева и ниска вегетација. Полицијата уапсила 28-годишна канадска државјанка, додека по уште двајца осомничени се трага.

— реклама —

Според хрватската полиција, 28-годишната жена е осомничена дека заедно со 30-годишен маж и 31-годишна жена, сите државјани на Канада, на 17 август во попладневните часови во Бободол со отворен пламен предизвикале пожар.

— реклама —

Во пожарот изгореле сува трева и ниска вегетација на површина од околу 15 на 3 метри.

— реклама —

По завршувањето на криминалистичкото истражување, 28-годишната осомничена била предадена на притворскиот надзорник во Полицијата управа Шибенско-книнска, а против неа е поднесена кривична пријава до надлежното државно обвинителство во Шибеник.

— реклама —

Полицијата соопшти дека 30-годишниот маж и 31-годишната жена во моментов не се достапни за органите на редот, поради што по нив е распишана потрага.