Тројца македонски државјани приведени во Хрватска поради лепење налепници со кирилични букви на сообраќајни знаци

Тројца државјани на Македонија се приведени во Хрватска и против нив е поднесена кривична пријава поради сомнение дека оштетиле јавен имот во областа Цавтат, соопшти хрватската полиција.

Според информациите од Полициската управа Дубровничко-неретванска, истрагата била покрената по пријави добиени минатата недела за оштетување на јавна опрема во ова туристичко место.

— реклама —

Полициските службеници утврдиле дека со налепници биле облепени сообраќаен знак, информативна табла и корпа за отпадоци. Според полицијата, поради поставените налепници, овие предмети ја изгубиле својата препознатливост и основна намена.

— реклама —

Во соопштението се наведува дека налепниците содржеле кирилични букви.

По преземените истражни дејства, полицијата најпрво пронашла двајца од осомничените, додека третиот бил лоциран и приведен следниот ден, на 30 мај, на аеродромот.

— реклама —

Станува збор за лица на возраст од 23, 25 и 26 години, кои, според хрватските власти, имаат регулиран престој во земјата.

— реклама —

Тројцата биле приведени во полициска станица, каде што против нив била спроведена кривична постапка поради сомнение за оштетување на туѓ имот.

По завршувањето на постапката, осомничените биле предадени на притворската единица на Полициската управа Дубровничко-неретванска, а случајот ќе биде понатаму процесиран од надлежните институции.