Тројца мажи спасени од морето во Дубровник, не можеле да стигнат до брегот поради силните бранови

Тројца мажи беа спасени од морето во близина на хотелот „Риксос“ во Дубровник, откако поради високите бранови не можеле да стигнат до брегот, соопшти дубровничката полиција.

— реклама —

Според информациите, странски државјанин кој пливал пред хотелот не можел да излезе од морето поради лошите временски услови. Друг странски државјанин скокнал во водата за да му помогне, но и двајцата останале заглавени.

— реклама —

Во обид да ги спаси, во морето влегол и спасувач, но ниту тој не успеал да ги извлече на брегот поради силните бранови.

— реклама —

Во спасувачката акција се вклучиле пловни објекти на Пристанишната управа и Поморската полиција, а помогнал и граѓанин со џет-ски.

По успешната интервенција, двајцата странски државјани биле пренесени во Општата болница во Дубровник, каде што им се укажува лекарска помош и се утврдува тежината на нивните повреди.