Тројца приведени во Гостивар и Тетово: Возеле без дозвола, нападнале и полицајци

Во одвоени полициски акции во Гостивар и Тетово, приведени се три лица поради управување возила без возачка дозвола, како и попречување и напад врз полициски службеници.

— реклама —

Како што информира Министерството за внатрешни работи, на 23 јуни во 20:30 часот во населбата Циглана во Гостивар, полициски службеници од ОВР Гостивар го лишиле од слобода 41-годишниот Ш.Н. од гостиварското село Беловиште.

При сообраќајна контрола, полицијата сопрела мопед со гостиварски регистарски ознаки, кој го управувал Ш.Н., при што било утврдено дека тој возел без возачка дозвола. Мопедот бил одземен, а по целосното документирање на случајот против него ќе биде поднесена соодветна пријава.

— реклама —

Во вториот случај, на 23 јуни во 19:30 часот на улицата „Видое Смилевски Бато“ во Тетово, полициски службеници од СВР Тетово ги лишиле од слобода Г.Ш. (26) од село Желино и А.Б. (25) од Тетово.

— реклама —

При сообраќајна контрола било сопрено патничко возило „Опел Астра“ со тетовски регистарски ознаки, управувано од Г.Ш., при што било констатирано дека и тој управувал возило без возачка дозвола.

Според МВР, при обидот за негово лишување од слобода и одземање на возилото, Г.Ш. агресивно се однесувал и удирал по возилото, додека неговата сопатничка А.Б. ги спречувала полициските службеници во извршувањето на службените дејствија и физички ги нападнала.

— реклама —

Двајцата биле задржани во полициска станица, а возилото е одземено. По целосното документирање на случајот ќе следуваат соодветни поднесоци.