Тунел меѓу Русија и САД? Дмитриев ја повика компанијата на Маск да почне со изградба

Кирил Дмитриев, специјален пратеник на рускиот претседател за инвестиции и економска соработка со странство, оцени дека е дојдено време компанијата „Боринг“ (Boring Company), основана од американскиот претприемач Илон Маск, да започне со изградба на тунел што би ги поврзал Русија и САД.

— реклама —

„Дојде време компанијата ‘Боринг’ да започне со изградба на тунелот Путин-Трамп, кој ќе ги обедини Русија и Соединетите Американски Држави, Евроазија и Америка“, напиша Дмитриев на социјалната мрежа Икс.

— реклама —

Во објавата тој сподели и груб дијаграм за тоа како би можел да изгледа тунелот под Беринговиот Проток, кој ги раздвојува Русија и Алјаска, пренесува агенцијата РИА Новости.

Идејата за изградба на интерконтинентален тунел повторно беше актуелизирана во октомври 2025 година, кога Дмитриев ја спомена можноста проектот да се реализира со користење на технологијата на компанијата на Маск.

— реклама —

Тогаш беше посочено дека изградбата би можела да чини до осум милијарди долари, а реализацијата да трае помалку од осум години.

Засега станува збор за идеја и предлог, а не за потврдена одлука за почеток на изградбата.