Турција пред самитот на НАТО: Алијансата не е во криза, туку се приспособува на новите предизвици

Турскиот министер за одбрана Јашар Ѓулер изјави дека НАТО не се наоѓа во криза, туку поминува низ процес на приспособување кон новото глобално безбедносно опкружување.

— реклама —

Во пресрет на самитот на НАТО, кој ќе се одржи на 7 и 8 јули во Анкара, Ѓулер истакна дека главните теми ќе бидат зајакнувањето на единството во рамките на Алијансата, зголемувањето на издвојувањата за одбраната, соработката во одбранбената индустрија и поддршката за Украина.

— реклама —

На самитот се очекува учество на лидерите на 32 земји членки на НАТО, како и претставници од земјите од Заливот и азиско-пацифичкиот регион, во време на зголемени тензии во Алијансата околу распределбата на трошоците и безбедносните обврски.

— реклама —

Според Ѓулер, НАТО останува клучна платформа за евроатлантската безбедност, а актуелните промени треба да се сфатат како адаптација на новите предизвици, а не како знак на криза.

— реклама —

Тој додаде дека САД очекуваат поголема одговорност од европските сојузници и од Канада, додека Турција смета дека треба да биде вклучена во европските одбранбени иницијативи.