Турција, Саудиска Арабија и Пакистан одржаа прв состанок во Истанбул на новиот одбранбен сојуз

Турција, Саудиска Арабија и Пакистан го одржаа првиот состанок на земјите потписнички на Заедничкиот одбранбен договор од Мека, со кој трите држави воспоставија механизам за колективна одбрана и заемна безбедносна поддршка.

Средбата се одржа во Истанбул, со учество на министрите за надворешни работи и за одбрана, како и началниците на генералштабовите на трите земји.

— реклама —

Турскиот министер за надворешни работи, Хакан Фидан, изјави дека новиот одбранбен сојуз има цел да придонесе за поголема стабилност во регионот и намалување на безбедносната неизвесност.

— реклама —

„Со овој сојуз ќе видиме сè поголема стабилност во регионот и намалување на неизвесноста“, рече Фидан, додавајќи дека постои можност сојузот да се проширува.

Фидан воедно оцени дека меѓународниот систем треба да се спротивстави на, како што ја нарече, заканата што ја претставува израелскиот премиер Бенјамин Нетанјаху.

— реклама —

„Нетанјаху, геноцидна личност, која стана заеднички непријател на човештвото, меѓународната заедница и безбедноста, не е некој што треба да се сфаќа сериозно. Меѓународниот систем мора да се бори против заканата што ја претставува Нетанјаху“, изјави Фидан.

— реклама —

Договорот за заедничка одбрана беше потпишан на 7 август во Мека, во период на зголемени тензии на Блискиот Исток и војната со Иран. Неговата цел е зајакнување на колективното одвраќање од каков било акт на агресија, при што вооружен напад врз една од трите земји би се сметал за напад врз сите, по примерот на членот 5 од Северноатлантскиот договор.

Турција, која има една од најголемите армии во НАТО, соопшти дека договорот со Пакистан и Саудиска Арабија е отворен за проширување. Како можен иден член се споменува Египет.