Премиерот Христијан Мицкоски изјави дека владините мерки за развој на туризмот даваат резултати, посочувајќи дека Македонија бележи значителен раст на бројот на странски туристи.
Одговарајќи на новинарско прашање за текот на туристичката сезона, тој рече дека е забележан голем пораст на пристигнувањата на македонските аеродроми, а според последното издание на извештајот „Tourism Watch“ на Светската банка, објавен во јуни 2026 година, Македонија е рангирана како прва земја во Европа според растот на пристигнувањата на странски гости и нивните ноќевања.
Според Мицкоски, бројот на странските туристи е зголемен за 40 проценти во споредба со истиот период минатата година.
„Тоа е големо признание за нас, особено затоа што туризмот има значајно учество во бруто-домашниот производ. Очекувам овие резултати да бидат видливи и во податоците за БДП во вториот квартал од годинава“, изјави Мицкоски.
