Полициски службеници од Полициска станица за гранични проверки и граничен надзор Богородица го лишиле од слобода Т.Х.(51) од Гостивар, со живеалиште во Скопје, поради сомнение за помагање при нелегален премин на границата.
Според информациите од Министерство за внатрешни работи, при опсервација на терен околу 21:40 часот била забележана и спречена група од пет турски државјани и Т.Х., кој им бил придружба, при обид илегално да ја преминат границата од Македонија кон Грција.
Турските државјани биле сместени во прифатен центар, додека по консултација со јавен обвинител, Т.Х. бил приведен.
По целосно документирање на случајот, против него ќе биде поднесена пријава за „помагање на странец при недозволен излез“ согласно Законот за странци.
