Турски државјанин пронајден мртов во хотел во Скопје

Шеесет и тригодишен турски државјанин бил пронајден починат во хотелска соба на подрачјето на Бит Пазар во Скопје, информира Министерството за внатрешни работи.

— реклама —

Според информациите, случајот бил пријавен на 6 јуни околу 16:52 часот, кога во хотелска соба бил пронајден починатиот С.Е. (63) од Турција, кој престојувал во државата.

— реклама —

Лекар од Итната медицинска помош констатирал смрт, при што не биле забележани видливи траги на насилство.

— реклама —

На местото бил извршен увид, а по насоки на јавен обвинител, телото на починатиот било предадено на обдукција во Институтот за судска медицина.

Надлежните институции преземаат мерки за утврдување на причините за смртта.