Турски државјанин бил лишен од слобода на Граничниот премин Богородица, откако при гранична контрола приложил фалсификувана зелена карта за товарното возило што го управувал.
Како што информира Министерството за внатрешни работи, на 14 јуни околу 23:20 часот полициски службеници на граничниот премин го привеле Х.Г. (37) од Република Турција.
При извршената пасошка контрола и дополнителните гранични проверки било утврдено дека тој на увид доставил фалсификувана зелена карта за товарно возило „мерцедес“ со полуприколка со турски национални ознаки, кое го управувал.
По приведувањето, турскиот државјанин бил предаден на полициски службеници од ОВР Гевгелија, а по целосното документирање на случајот против него ќе биде поднесена соодветна пријава.
