Тврдел дека е од Јупитер и дека е син на Супермен: државјанин на БиХ осуден на затвор по 32. пат во Франција

Државјанин на Босна и Херцеговина (41) е осуден на 10 месеци затвор во Франција поради серија кражби од продавници во центарот на Нант. Ова е дури 32. пат тој да се најде пред француски суд поради слични кривични дела, пишува „Нова.рс“.

— реклама —

На судењето внимание привлекол со необични тврдења дека доаѓа од планетата Јупитер и дека е син на Супермен. Според медиумите, кај него повремено се појавуваат шизофрени епизоди, на што се повикувала и неговата одбрана.

— реклама —

Сепак, судот оценил дека неговата состојба во моментот на извршувањето на делата не ја исклучувала целосно пресметливоста, поради што бил прогласен за кривично одговорен.

Мажот веќе им бил добро познат на француските правосудни органи, бидејќи пред овој случај 31 пат се појавил пред суд. Во најголем дел од постапките било утврдено дека неговата пресметливост не била намалена. Во осум случаи била утврдена спротивна состојба, но тие пресуди подоцна биле избришани од неговата евиденција.

— реклама —

Неговиот адвокат, Корентен Роже, предупредил дека проблемот трае околу две децении. Според него, човекот постојано се движи меѓу психијатриски установи и затвор.

— реклама —

Адвокатот посочува дека најголем проблем се појавува по неговото ослободување, кога, како што тврди, нема соодветен надзор и континуирано следење на неговата состојба. Потоа повторно извршува кривични дела и повторно завршува пред суд.