Уапсен 16-годишник осомничен за кражби во тетовски џамии

Полицијата во Тетово приведе 16-годишен малолетник осомничен за серија кражби во неколку џамии во градот.

— реклама —

Од Министерство за внатрешни работи информираат дека малолетникот бил лишен од слобода на 19 мај околу 18 часот од страна на полициски службеници од СВР Тетово, поради сомнение за кривично дело „тешка кражба“.

— реклама —

— реклама —

Според информациите, тој во изминатите две недели извршил кражби во повеќе џамии, а последниот случај бил во џамија на улицата „176“ во Тетово, каде со употреба на сила ја скршил металната каса за донации и одзел пари.

Малолетникот е задржан во полициска станица, за случајот е известен јавен обвинител, а по негово целосно документирање ќе биде поднесена соодветна пријава.