Уапсен 32-годишник во Скопје, се сомничи за кражба на 12 велосипеди

Полициски службеници во Скопје лишиле од слобода 32-годишен скопјанец, кој се сомничи дека извршил повеќе тешки кражби на велосипеди на различни локации во градот.

— реклама —

Од ЕВР Аеродром и Драчево при СВР Скопје информираат дека Ѓ.П. (32) бил лишен од слобода на подрачјето на општина Гази Баба поради постоење основи на сомнение дека е сторител на повеќе тешки кражби.

— реклама —

— реклама —

Според сомнежите, кражбите биле извршени на подрачјата на општините Аеродром, Центар и Кисела Вода. Од него биле одземени вкупно 12 велосипеди од различни локации, од кои дел биле вратени на нивните сопственици.

По целосното документирање на случаите, против 32-годишникот ќе биде поднесена соодветна кривична пријава.