Уапсен 33-годишник од Карбинци: Со месеци сексуално злоупотребувал дете и му пренел заразна болест

Триесет и тригодишен жител на село во општина Карбинци е приведен и кривично гонет поради сомнение дека извршил сексуална злоупотреба врз дете помладо од 15 години, при што, според истрагата, му пренел и заразна болест.

— реклама —

Од Министерството за внатрешни работи информираа дека на 8 јуни во 13:50 часот полициски службеници од СВР Штип го лишиле од слобода Б.Т. (33).

— реклама —

Според сомневањата, во периодот од јануари до март годинава, додека престојувал во домот на едно семејство во светиниколско село, тој вршел полови дејствија врз нивната малолетна ќерка, ја соблекувал и ја допирал по телото.

— реклама —

Од МВР наведуваат дека при прегледите извршени од Институтот за судска медицина во Скопје било потврдено дека на детето му била пренесена заразна болест, а истата била констатирана и кај осомничениот.

— реклама —

Осомничениот е задржан во полициска станица, а по целосното документирање на случајот против него е поднесена кривична пријава поради основано сомнение за сторени кривични дела „силување на дете кое не наполнило 15 години“ по член 188 и „пренесување заразна болест“ по член 205 од Кривичниот законик.