Уапсен 40-годишен државјанин на Албанија, превезувал осум мигранти од Авганистан

Осум мигранти, меѓу кои и две малолетни лица, биле откриени во патничко возило на регионалниот пат Демир Капија – Неготино, а 40-годишен државјанин на Албанија е лишен од слобода под сомнение за криумчарење мигранти.

— реклама —

— реклама —

Случајот бил откриен на 27 октомври, во 12:35 часот, во близина на местото викано „Острово“. Полициските службеници запреле возило „фолксваген туран“ со албански регистарски ознаки, управувано од П. М. (40). При контролата биле пронајдени осум лица кои, според нивните изјави, се од Авганистан.

— реклама —

Возачот бил задржан во Полициската станица во Неготино, додека мигрантите биле спроведени во прифатно-транзитниот центар во Гевгелија. Од МВР информираат дека по целосно документирање на случајот ќе следува соодветна постапка.