СВР Тетово информира дека на 21 мај 2026 година во 15:00 часот на улицата „Беличица“ во Гостивар, полициски службеници од ОВР Гостивар го лишиле од слобода С.М.(20) од Шуто Оризари, со привремен престој во Гостивар.
Тој бил баран по потерница врз основа на наредба на Основниот кривичен суд Скопје за издржување казна затвор во траење од една година и четири месеци за кривично дело „тешка кражба“.
Од полицијата посочуваат дека 20-годишникот се сомничи и за други кривични дела „тешка кражба“, извршени претходниот ден во куќи на подрачјето на Гостивар.
По приведувањето, С.М. бил спроведен во Казнено-поправната установа Затвор Скопје за издржување на затворската казна.
