Уапсен мажот осомничен за планирање атентат врз Доналд Туск

Полската полиција уапсила маж осомничен дека се заканувал и планирал напад врз премиерот Доналд Туск и вицепремиерот и министер за одбрана Владислав Косинјак-Камиш, соопшти министерот за внатрешни работи и администрација Марчин Кервински.

Туск преку социјалната мрежа Икс ѝ се заблагодари на полицијата за брзата и одлучна реакција.

— реклама —

„Мажот кој се заканувал со атентат е уапсен. Им благодарам на полициските службеници за брзата и одлучна акција“, напиша полскиот премиер.

Според полските медиуми, надлежните служби добиле информации за можен напад во ноќта меѓу саботата и неделата.

Телевизијата „Полсат њуз“ објави дека пријавата се однесувала на план за напад со огнено оружје врз високи државни функционери, со можно учество на радикална организација која наводно барала лица подготвени да го извршат нападот.

— реклама —

Според телевизијата ТВН24, лицето што го пријавило случајот навело дека разговарало со маж по име Кшиштоф за оружје, омраза кон владата и планирано масовно убиство.

Во Центарот за борба против тероризмот при полската Агенција за внатрешна безбедност бил одржан состанок на претставници на полицијата, Службата за државна заштита и Агенцијата за внатрешна безбедност.

— реклама —

Портпаролот на полскиот министер-координатор за специјалните служби, Јачек Добжински, претходно изјавил дека информациите за можен атентат врз Туск и Косинјак-Камиш се веродостојни и „смртно сериозни“.

„Службите проценија дека информациите се толку веродостојни и загрижувачки што постои голема веројатност заканите да бидат остварени. Поради тоа, беше одлучено да се преземат понатамошни чекори и дополнителни оперативни активности“, изјавил Добжински по состанокот, пренесе ТВП.

Тој посочил дека безбедносните служби секоја година добиваат сè повеќе закани упатени кон јавни личности. Секоја пријава се анализира, но во овој случај информациите биле третирани со особена сериозност.

Добжински не открил на што точно се однесуваат заканите ниту кој би можел да стои зад нив. Тој објаснил дека постапката е во тек и дека дел од информациите мора да останат доверливи поради оперативните активности што се спроведуваат.

Итна средба на безбедносните служби поради можен атентат врз полскиот премиер Доналд Туск

Претставници на повеќе безбедносни служби се состануваат во Варшава по добиени информации за можен атентат врз полскиот премиер Доналд Туск и вицепремиерот и министер за одбрана Владислав Кошњак-Камиш.Портпаролката на полското Министерство за внатрешни работи, Каролина Галецка, изјави дека состанокот ќе се одржи во 11 часот во Центарот за антитерористичка анализа при Агенцијата за внатрешна безбедност (ABW), пренесува полскиот портал RMF24.На состанокот ќе учествуваат претставници на Службата за

Свет | пред 8 часа