Уапсен тетовец: Одбил да покаже документи, па физички нападнал полициски службеник

27-годишен жител на тетовското село Синичане бил приведен откако при сообраќајна контрола одбил да покаже документи, а подоцна физички нападнал полициски службеник.

— реклама —

Од Министерство за внатрешни работи информираат дека на 19 мај околу 22:30 часот, полициски службеници од Полициското одделение Камењане извршиле контрола на регионалниот пат Тетово – Гостивар, во близина на селото Долно Палчиште.

— реклама —

При контролата било запрено патничко возило „ауди а6“ со тетовски регистарски ознаки, управувано од Н.М.(27), кој одбил да ги приложи потребните документи. По приведувањето во полициското одделение, тој физички нападнал полициски службеник.

— реклама —

Во исто време биле приведени и неговите сопатници С.С.(28) и А.А.(35) од Голема Речица, бидејќи не постапиле по наредбите на полицијата и одбиле да дадат документи на увид.

— реклама —

Тројцата се задржани во полициска станица, а по целосно документирање на случајот ќе следуваат соодветни поднесоци.