Уапсен возачот кој усмрти пешак на патот Прилеп–Градско

Министерството за внатрешни работи соопшти дека е лишен од слобода возачот кој вчера со товарно возило удрил пешак на регионалниот пат Прилеп–Градско.

— реклама —

Несреќата се случила на 11 мај околу 18:05 часот, кога товарно возило „сканија“ со приколка и кавадаречки регистарски ознаки, управувано од Р.Ј. (45) од Кавадарци, удрило во пешакот К.Ѓ. (89) од општина Росоман.

— реклама —

Од здобиените повреди, пешакот починал на местото на несреќата, а смрт констатирал лекар.

— реклама —

По наредба на јавен обвинител, телото на починатиот е предадено на обдукција во Судска медицина.

Увид на местото извршиле јавен обвинител и увидна екипа од ОВР Кавадарци, а по насоки на обвинителот, возачот бил лишен од слобода. По целосно документирање на случајот ќе биде поднесена соодветна пријава.