Уапсени 16 возачи: 14 возеле без положен возачки испит

Шеснаесет лица биле лишени од слобода во текот на изминатото деноноќие поради сомнение за „безобѕирно управување со возило“, соопшти Министерството за внатрешни работи. Повеќето од нив управувале возило без положен возачки испит.

— реклама —

Полициски службеници на различни локации во државата ги лишиле од слобода А.Х. од Штип, Ј.Ф. од Прилеп, С.М. (38) и С.В. (23) од Кочани, Ј.К. (20) од Штип, 17-годишен малолетник од Долно Количани, Ф.В. (27) од Студеничани, Е.Б. (36), И.С. (34) и В.В. (18) од Скопје, Д.П. (20) и Б.Ј. (68) од Велес, Б.С. (33) од Куманово и 16-годишен малолетник од Новаке, тетовско.

— реклама —

Од МВР посочуваат дека овие лица управувале возила без возачка дозвола, односно без положен возачки испит.

Дополнително, бил лишен од слобода и В.Ј. (29) од Новаци, кој управувал возило иако имал активна забрана за управување со моторно возило, како и С.Р. (39) од Скудриње, општина Маврово и Ростуше, кој управувал под дејство на алкохол.

— реклама —

По целосното документирање на случаите, против лицата ќе бидат поднесени соодветни кривични пријави.

МВР апелира до сите учесници во сообраќајот да ги почитуваат правилата и прописите и да не управуваат возило без положен возачки испит, за време на изречена забрана за управување или под дејство на алкохол.