Уапсено едно лице за безобѕирно возење, изречени 12 санкции во акциска контрола

Министерството за внатрешни работи информира дека во текот на ноќта меѓу 25 и 26 април, во периодот од 21 до 03 часот, Мобилната единица за безбедност на сообраќајот спровела засилена акциска контрола на подрачјето на општините Кисела Вода, Илинден и Ѓорче Петров.

— реклама —

При контролата санкционирани биле осум возачи кои управувале возило под дејство на алкохол, додека две лица одбиле алкотестирање. Уште тројца возачи биле казнети за други сообраќајни прекршоци.

— реклама —

Едно лице било лишено од слобода поради сторено кривично дело „безобѕирно управување со моторно возило“, односно управување возило под дејство на алкохол со повеќе од 1,50 промили.

— реклама —

Од МВР најавија дека по целосно документирање на случаите ќе бидат поднесени соодветни прекршочни и кривични пријави.

Акциските контроли ќе продолжат и во наредниот период со цел зголемување на безбедноста во сообраќајот, а од Министерството апелираат граѓаните да ги почитуваат сообраќајните правила и прописи.