Во белградската населба Чукарица утрово се случило убиство, а според првичните информации, М.П. (67) е осомничена дека по расправија го убила својот сопруг З.П. (76).
Телото на мажот било пронајдено во станот, а смртта била констатирана околу 7:30 часот.
Според српските медиуми, постои сомнение дека жената го усмртила сопругот со дрвен предмет, најверојатно ногарка од стол, која му била забодена во пределот на срцето.
Предметот со кој е извршено убиството е пронајден и испратен на вештачење.
Жители од зградата изјавиле дека слушнале силна бучава пред да биде повикана полицијата.
Според медиумските информации, осомничената и претходно била инволвирана во семеен инцидент, кога наводно го бркала сопругот со нож и нападнала полицајци при интервенција.
Истрагата е во тек.
