Дваесет и петгодишен маж е убиен во скопски Дуќанџик, дознава „Скопје1“.
Според првичните информации, младиот маж бил застрелан и имал повеќе прострелни рани во пределот на телото и главата.
По пукањето, со екипа на Итната медицинска помош бил пренесен на Ургентниот центар, каде што, и покрај обидите да му биде укажана медицинска помош, починал.
Засега нема официјални информации за околностите под кои се случило убиството, ниту за сторителот и мотивите.
Се очекуваат детали од Министерството за внатрешни работи за случајот.
