Удрил во ограда и се превртел на автопатот Велес – Скопје, тешко повреден 59-годишен возач од Чешка

Педесет и деветгодишен возач од Чешка се здобил со тешки телесни повреди откако со автомобил излетал од контрола и се превртел на автопатот Велес – Скопје.

— реклама —

Според информациите од Министерството за внатрешни работи, несреќата била пријавена на 12 октомври во СВР Велес, а се случила околу 9 часот, во близина на наплатната станица Отовица.

— реклама —

— реклама —

Возачот З.Ј. управувал патничко возило „пежо“ со велешки регистарски ознаки, кое удрило во заштитната ограда, по што се превртело на коловозот.

Повредениот бил пренесен во Општата болница во Велес, каде што лекарите му констатирале тешки телесни повреди. Увид на местото на несреќата извршила екипа на СВР Велес.