УЈП: Оданочувањето на приходите од странство не е нова мерка, туку постојна законска обврска

Управата за јавни приходи (УЈП) појасни дека оданочувањето на приходите од странство не претставува нов данок, туку доследна примена на веќе постоечка законска обврска што важи со години.

— реклама —

Од институцијата наведуваат дека обврската за пријавување и оданочување на приходи остварени во странство постои одамна, но дека системот сега функционира поефикасно благодарение на подобрена анализа и вкрстување на податоците.

— реклама —

„Не воведуваме нов данок, туку ја спроведуваме постојната регулатива“, порачуваат од УЈП, додавајќи дека граѓаните кои веќе платиле данок во странство нема да бидат повторно оданочени доколку достават соодветна документација, согласно договорите за избегнување двојно оданочување.

Од УЈП објаснуваат дека сите приливи од странство мора да бидат пријавени, а промената е во тоа што податоците од банките сега системски се обработуваат и се вкрстуваат, што овозможува поефикасна контрола.

— реклама —

Според презентираните податоци, во 2020 година биле испратени над 11.500 известувања, при што дел од граѓаните доброволно ги исполниле обврските, а дел од случаите биле обработени по службена должност. Во 2025 година се бележи значително зголемување на приливите од странство и бројот на граѓани опфатени со контроли.

— реклама —

Од УЈП нагласуваат дека фокусот останува на доброволно усогласување, едукација и поддршка на граѓаните, особено на оние кои остваруваат приходи преку странски платформи, со цел создавање фер и транспарентен даночен систем.