Украдени повеќе од 300 вреќи со остриги, вредни околу 215.000 евра

Австралиската полиција трага по сторителите на необична кражба, во која од одгледувалиште на остриги биле украдени околу 400.000 школки, со проценета вредност од 215.000 евра.

— реклама —

Кражбата се случила во одгледувалиште во близина на градот Тари, северно од Сиднеј, а според полицијата на Нов Јужен Велс, украдени биле повеќе од 300 вреќи со остриги.

— реклама —

— реклама —

Иако кражбата се случила претходно годинава, случајот во полицијата бил пријавен дури вчера. Надлежните сега ги повикуваат граѓаните кои имаат какви било информации што би можеле да помогнат во истрагата да се јават во полицијата.

Остригите се честа состојка на менијата за доцен појадок и на трпезите со морска храна во Австралија. Локалните сорти се особено ценети поради нивниот полн и кремаст вкус, што дополнително ја зголемува нивната комерцијална вредност.