Украина официјално ѝ се извини на Грција поради украински поморски дрон кој минатиот месец беше пронајден во близина на островот Лефкада, оценувајќи дека инцидентот е последица на околностите создадени од руската инвазија врз Украина.
Во објава на социјалните мрежи, портпаролот на украинското Министерство за надворешни работи, Хеорхиј Тихиј, изрази жалење за инцидентот и нагласи дека Киев високо го цени пријателството со Грција и поддршката што ја добива од почетокот на руската агресија.
Тихиј истакна дека Украина останува посветена на почитувањето на меѓународното право и безбедноста во поморскиот сообраќај, додавајќи дека Киев е заинтересиран да спречи слични инциденти во иднина.
Дронот бил пронајден од рибари на 7 мај во близина на Лефкада, по што бил предаден на грчките воени власти. Според информациите, станува збор за пловило кое најверојатно било поврзано со украинските поморски операции насочени кон бродови поврзани со рускиот извоз на нафта.
Претходно оваа недела, грчкото Министерство за надворешни работи потврди дека испратило две дипломатски ноти до Украина поради активностите на поморскиот дрон.
Во меѓувреме, во петокот сличен поморски дрон што се користи во војната во Украина експлодираше во пристаниште во Романија, соопшти романското Министерство за одбрана.
Грција истражува потекло на воен дрон со експлозиви кај Лефкада
Грчките власти го третираат откривањето на воен морски дрон кај Лефкада како „исклучително сериозно“, откако рибар пронашол беспилотно пловило заглавено во пештера со сè уште вклучени мотори, објави Катимерини.Дронот, идентификуван како модел MAGURA V3 сличен на оние што ги користат украинските сили во напади во Црното Море, бил одвлечен до пристаниште пред експерти за деактивирање експлозиви да оневозможат три детонатори, да ги исклучат батериите и да обезбедат, како што навеле службениците, ак
Свет | пред 4 месеци
