Украл автомобил и удрил во бетонски ѕид – приведен малолетник од Велес

Петнаесетгодишник од Велес е приведен откако, според информациите на Министерството за внатрешни работи, одзел патничко возило и со него предизвикал сообраќајна незгода.

— реклама —

Како што соопшти МВР, на 4 јули полициски службеници од СВР Велес, во присуство на родител и социјален работник од Центарот за социјални работи Велес, извршиле службен разговор со малолетникот.

— реклама —

Според пријавеното, истиот ден на улицата „Алексо Демниевски“ во Велес, тој го одзел патничкото возило „опел“ со велешки регистарски ознаки, сопственост на 63-годишниот О.Т. од Велес. Додека управувал со автомобилот, удрил во бетонски ѕид, а потоа го напуштил местото на настанот.

— реклама —

По кратко време, полициските службеници го пронашле малолетникот и го привеле во полициска станица, при што за случајот бил известен и јавен обвинител.

— реклама —

Возилото е вратено на сопственикот, а по целосното документирање на случајот ќе бидат поднесени соодветни пријави.