Упад во воени магацини кај „Еребино“: приведени уште тројца полски државјани

Тројца полски државјани се лишени од слобода поради сомнение дека со четирицикли влегле во воен објект кај Попова Шапка, соопшти Министерството за внатрешни работи.

— реклама —

На 29 септември во 13:00 часот, полициски службеници од Полициското одделение Попова Шапка ги лишиле од слобода К.В. (49), О.А.Б. (56) и С.К.З. (55), сите полски државјани.

— реклама —

Според МВР, тие на 28 септември, заедно со уште четворица полски државјани кои биле веднаш лишени од слобода, со четирицикли ја оштетиле влезната врата на објектот – воени магацини, на место викано „Еребино“, по што се дале во бегство.

По преземените мерки, полицијата ги пронашла и ги лишила од слобода и тројцата.

— реклама —

Тие се сомничат за сторено кривично дело „неовластено влегување во воени објекти“ по член 350 став 1 од Кривичниот законик.

Од МВР информираат дека по целосното документирање на случајот ќе бидат поднесени соодветни поднесоци.