Управител прикажувал непостоечки расходи, избегнал да плати над 2,3 милиони денари данок

СВР Куманово поднесе кривична пријава против 57-годишен скопјанец и правно лице од Скопје поради сомнение за сторено кривично дело „даночно затајување“, соопшти Министерството за внатрешни работи.

— реклама —

Според МВР, пријавениот, како управител и одговорно лице во компанијата, во периодот од 1 јануари до 31 декември 2023 година во деловните книги и даночните евиденции прикажувал расходи кои не биле даночно признаени, без соодветна документација, како и расходи кои не биле поврзани со вршењето на дејноста.

— реклама —

— реклама —

Со тоа, како што наведуваат од МВР, неосновано ја намалил даночната основа и поднел даночни податоци кои не ја прикажувале реалната даночна состојба.

— реклама —

На овој начин, според полицијата, пријавениот стекнал противправна имотна корист преку избегнување на плаќање данок на добивка во вкупен износ од 2.362.247 денари.