„Уште еден пропуст на институциите“: Котеска револтирана по смртта на 17-годишната девојка во Богданци

Адвокатката Катерина Котеска се огласи на социјалните мрежи по трагичниот случај во Богданци, каде што животот го загуби 17-годишно девојче. Таа изрази длабока тага и револт, посочувајќи на пропустите на институциите во заштитата на жртвите на насилство.

Во својата објава, Котеска наведува дека ова е седмата жртва на фемицид и потсетува дека девојчето претходно пријавило физичко насилство од момчето.

— реклама —

„Девојче од 17 години го изгуби животот откако претходно го пријавила насилното момче за физички напад. Колку што ми е скршено срцето, толку сум револтирана! Уште еден пропуст на институциите да заштитат жртва на насилство. Овој пат малолетна. Дете на нечии родители! Нечија неостварена мајка ,сопруга,баба,на чеда кои никогаш нема да ги види“, пишува Котеска.

Таа особено го критикува пристапот на институциите кон проблемот со насилството врз жените и семејното насилство, прашувајќи дали и овојпат одговорот ќе се сведе на организирање трибини и формално одбележување на деновите посветени на борбата против насилството.

„Пак ќе правите трибини од 20 души за да се одбележи денот? Пак ќе држат филипики индивидуи по службена и партиска должност? За срам и арам сме!“, наведува адвокатката.

— реклама —

Котеска потсетува дека трагедијата се случува во ноември, месец посветен на борбата против насилството врз жените и семејното насилство, оценувајќи дека општеството мора да се соочи со сериозноста на проблемот, наместо вниманието да го насочува кон споредни теми.

„Додека ни палат 17-годишни деца како жртви на фемицид, ние се занимаваме дали жената е под надзор од мажот или не, на социјалните мрежи“, пишува таа.

— реклама —

Две тела беа пронајдени вечерта на 3 ноември во Богданци. Едното тело било во опожарен автомобил, а другото во негова близина. Од Обвинителството соопштија дека првичните индиции упатуваат на убиство и самоубиство, а потврдија и дека против починатиот 21-годишник претходно била поднесена пријава за загрозување на сигурноста.

Станува збор за 17-годишна девојка која претходно пријавила насилство од момчето. Причините за смртта и точниот тек на настаните треба да бидат утврдени со обдукцијата и останатите истражни дејствија.

На крајот од својата објава, Котеска упати последен поздрав до починатото девојче:

— реклама —

„Нека ѝ е царство небеско, оти на земјата нема да го има никогаш, а на сите нас на душа!“, напиша адвокатката.

Билјана Кириќ (17) е девојката пронајдена мртва во запалениот автомобил во Богданци, Виктор Гунтаров е обесениот маж

Седумнаесетгодишната Билјана Кириќ е девојката која беше пронајдена мртва во трагедијата кај Богданци, заедно со 21-годишниот Виктор Гунтаров. Според првичните индиции на Обвинителството, станува збор за убиство и самоубиство, но точните околности и причините за смртта допрва треба да бидат утврдени.На трагедијата ѝ претходеле пријави за насилство и закани. Според информациите од надлежните институции, против 21-годишниот маж претходно била водена постапка поради пријавено насилство врз девојкат

Македонија | пред 5 часа