Уште еден смртен случај од западнонилска треска

Бројот на починати од западнонилска треска во земјава се искачи на шест, откако денеска е потврден нов смртен случај, соопштија здравствените власти.

— реклама —

Починатиот е 72-годишен маж од скопската општина Аеродром, кој пред 15 дена бил хоспитализиран со тешка клиничка слика.

— реклама —

— реклама —

Во меѓувреме, бројот на заболени продолжува да расте. Досега се регистрирани 53 случаи, од кои 50 се лабораториски потврдени, додека за три случаи се очекуваат резултати од дополнителни тестирања. Само во последната седмица се евидентирани повеќе од 10 новозаразени.

На Клиниката за инфективни болести во Скопје во моментов се лекуваат 18 пациенти. Најмладиот пациент има 26 години и е во добра здравствена состојба, додека петмина пациенти се на одделот за интензивна нега поради тешка клиничка слика. Станува збор за повозрасни лица.